اصدر جروب اولتراس اهلاوي بيان شديد اللهجة حول جلسة النطق بالحكم النهائي يوم 9 مارس المقبل في قضية مذبحة بورسعيد التي راح ضحيتها 72 فرد من جمهور الاهلي , خلال البيان تم سرد بلطجة الداخلية خلال الانظمة الحاكمة المختلفة – على حد وصف البيان – متذكرين اخر شهداء سقطوا على يد الداخلية (جيكا – كريستي – جندي – الشافعي) ومن سقطوا في عهد النظام البائد (خالد سعيد – سيد بلال) وحذروا بأن القصاص من الداخلية ان لم يأتي يوم 9 مارس بالقضاء فسوف يأتي بالفوضى وحذروا بأن ما فعلوه خلال الاسبوع لا شئ يذكر لما سيفعلوه يوم السبت المقبل الذي تم وصفه بسبت “الغضب” في اشارة ليوم 28 يناير جمعة “الغضب” الشهيرة .
نص البيان :
” بسم الله الرحمن الرحيم
نتكلم في اﻻول عن جيكا وﻻ كريستي ؟؟ نتكلم عن الجندي وﻻ الشافعي ؟؟
وﻻ نبدأ الحكاية من اﻻول ونتكلم عن خالد سعيد وسيد بلال ؟؟
كل دي مجرد امثلة بسيطة لأوسخ كيان تحت اي نظام
بيستحقوا اللقب بجدارة “الداخلية بلطجية “
بيمارسوا جرايمهم من قتل وسحل وتعذيب بكل بجاحة ودايما بيتم التستر على كل الجرايم دي مع اختلاف اﻻنظمة
كيان شارك وتواطئ ودبر وغدر في المجزرة اللي استشهد فيها ٧٢ راجل
كيان عمره ما بيواجهني وش في وش
شاف ان افضل وسيلة لمقاومة الرجال هي الغدر والخيانة يعنى زيهم زي الصهاينة مايفرقوش عنهم كتير
كل اللي شوفتوه اﻻسبوع ده هو وﻻ حاجة
هو بجد وﻻ حاجة
فاكرين جمعة الغضب اللي هربتوا فيها ؟؟؟
يوم ٩ مارس لو مجاش القصاص منكم وقتها هتتمنوا تعرفوا تهربوا
بس وقتها هتشوفوا اللي مستحيل في يوم تتخيلوه
٩ مارس هو الجلسة التانية للنطق بالحكم
هي الجلسة اﻻهم واللي فيها العدد اﻻكبر
فيها ٩ كلاب من الداخلية و٤٣ كلب من بورسعيد
الحكم اللي كان يوم ٢٦ يناير هو فات وخلص
واكيد مش احنا اللي هيضحك علينا ونفرح ونقول القضية خلصت لما يتعدم ٢١ كلب من اللي قتلوا
معادنا يوم السبت ٩ مارس الساعة ٨ الصبح عند النادي اﻻهلي (الجزيرة) كل السكاشن والمحافظات متواجدة في المعاد
مش محتاجين اكيد ننبه على عدم التأخير
رسالة اخيرة : في الجلسة اﻻولى قولنا ان البعض ممكن يكون اخر يوم بالنسباله يوم ٢٦ يناير
المرة دي “الكل”هيبقى نازل عامل حسابه ان ده اخر يوم له لو الحق مارجعش”
يا نجيب حقهم يا نموت زيهم
