ع المصطبة هي مقالات في صورة دردشة
ليست مقالات بشكل احترافي, ولا تعليق تكتيكي او تحليل فني, ولكنها ببساطة .. رغي اتنين قاعدين ع المصطبة
* البرازيل كسبت من قبل ما الماتش يبدأ. الطريقة اللي لعيبة البرازيل كانوا بيقولوا بيها السلام الوطني تقول الفرقة دي نازلة تكسب أي حد.
* اسبانيا ماخسرتش النهاردة. اسبانيا خسرت يوم ما انكشفت قدام ايطاليا, وبرانديلي ساعد سكولاري مفيش كلام.
* سكولاري سكت كل اللي انتقدوه قبل البطولة بسبب اختياراته ونتايجه الودية.
* سكولاري درس اسبانيا كويس اوي, ودل بوسكي ماكانش عنده حلول.
* خير وسيلة للهجوم الدفاع. البرازيل بقى عندها اقوى خط دفاع لا ابالغ ان قلت في تاريخها. نجوم طراز رفيع في كل مركز, غير خوليو سيزار اللي اثبت انه واحد من افضل الحراس في العالم.
* ديفيد لويز وباولينيو اعتقد مابقوش جنود مجهولين اكتر من كدة. جوستافو رابع بطولة يفوز بيها ف 2013 بعد ثلاثية بايرن ميونخ.
* تغيير ازبيليكويتا كان لازم عشان نيمار زعل اربيلوا جامد, وكارفخال هايكونله دور مع الريال الموسم الجاي. تغيير توريس بفيا متأخر, والرهان على ماتا كان خسران.
* علاقة هالك بسكولاري بتفكرني بعلاقة عمرو زكي بحسن شحاتة. لوكاس مورا تقيل برضه يا سكولاري. بس وانت كسبان بالشكل ده الكل لازم يسكت.
* لعيبة البرازيل ف الاخر ماحبوش يزودوا النتيجة وان كانوا يقدروا برضه. بس هام اكتفوا بانهم يقولوا للعالم ان البرازيل رجعت.
* لقطة المباراة, لما سكولاري كان واقف بيزعق للعيبته وهما كسبانين تلاتة.
للتواصل على تويتر: amrfekry26
